Dan siam tur chungchang thlirhona neih a ni

Land Revenue & Settlement Minister Lalruatkima hovin nimin khan ‘The Draft Mizoram Underground Pipeline (Acquisition of Right of use in Land) Act, 2022’ chungchang thlirhona neih a ni.

He dan siam tur hi India sawrkar laipuiin a kalpui tum- Indradhanush Gas Grid Limited kaltlanga tui kal dan turte, Gas kalna turte, tuichhe kalna tur leh thil siamna hmun hrang hrang atanga bawlhhlawh kaldan tur leh chumi atana a kawng tur pipeline siam dan tur, mimal ram emaw sawrkar in a lak (acquired) dan chungchang ruahmanna a ni a. Mizoram sawrkar pawhin Indradhanush Gas Grid hi hlawhtling taka kalpui a nih theih nan dan mumal tak nei turin hma a la mek a ni.

He Dan siam turah hian Electric Line leh communication signal line te pawh leihnuai a pipeline anga kaltir a nih dawn pawha ram ruahman dan tur chungchang a tel bawk a. He Dan hian a tum ber chu heng pipeline kaltir a nih dawna mimal ram lak a lo ngaih pawha ram pumpuia mimal ram laksak ngawt ni lo deuh a, a pipeline kalna tur bik mimal ram hman tura ruahman dan (Right of Use) a tel bawk a ni. He hunah hian The Draft Mizoram Underground Pipeline (Acquisition of Right of use in Land), Act, 2022 chungchanga siamthat belh ngai te sawiho a ni bawk.

Comments

Popular News (Last 30 Days)

LPG man bithliah thar