Damdawi In sakna tur chungchang sawiho

Power Grid Corporation of India Limited (PGCIL) Corporate Social Responsibility Fund cheng vbc. 21 hmanga Serchhip District Hospital chungchang chu nimin khan Serchhip NGO Coordination Committee leh JAC on Serchhip District Hospital Site te chuan sawihona an nei.

Serchhip District Bawrhsap Nazuk Kumar IAS hova sawihona Serchhip DC Meeting Hall-a neih ah hian Bawrhsap chuan damdawi In sakna tur hmun thlang tura thukhawm an ni lo tih sawiin, a sakna hmun tura ngaihdan inang lo awm mekah thu inhmu tak leh inhruipawhna boruak tha lo awm lova sawrkarin sak a duhna lam apianga tha taka an sak theih nana rilru puitling tak kan put theih nan inkawmhona hi buatsaih a ni tih a sawi a. Mipuite pawhin inhruipawhna tha lo leh midangte rilru tina thei zawnga tawngkam nei lo turin a ngen bawk.

He sawihona hunah hian Serchhip NGO Coordination Committee hruaitute chuan sawrkarin sak a duhna lam apiangah dodal lovin an pawmpui thei tih an tarlang a, Joint Action Committee on Serchhip District Hospital Site-a hruaitute pawhin sawrkarin District Hospital in a mamawh thil dangte nen, felfai taka a sak theih dawn phawt chuan khawi hmunah pawh Hospital building sa se sawiselna an nei lo tih an sawi bawk a ni.