COVID-19 hri kai enkawllai mi 133 la awm mek

/

Niminpiah-a Mizoram-a Sample enfiah atangin Mizoram-ah COVID-19 hri kai mi 19 hmuh belh niin nimin-ah hri kai mi 34 enkawl dam an ni leh bawk a, nimin tlai thlengin Mizoram-ah COVID-19 hri kai enkawllai mi 133 an la awm.

Niminpiah khan Mizoram-ah Sample 283 enfiah niin heng atang hian COVID-19 hri kai mi 19 hmuh an ni a, Sample enfiah atanga chhutin za zela 6.71 te chuan hri an kai a ni. Heng hri kai hmuhchhuah te hi Rapid Antigen Test hmanga Sample enfiah 273 atanga hmuh niin Aizawl District-ah 9, Mamit District-ah 7, Kolasib District-ah mi 2 leh Lunglei District-ah mi pakhaat te an ni a. ZMC-a RT-PCR Laboratory leh District hrang hranga TrueNat Laboratory-ah Sample 5 ve ve enfiah niin hri kai hmuhchhuah an awm lo thung.

Nimin khan Mizoram District 8-ah COVID-19 hri kai enkawl dam mi 34 awmin heti hian nimin tlai thlenga Mizoram-a COVID-19 hri kai hmuhchhuah tawh chu 2,28,687 niin an zinga 2,27,853 niin hri kai zingah za zela 99.64 te enkawl dam an ni tawh a. Hri kai enkawllai mi 133 la awmin hri kai zingah mi 701 an boral tawh a ni. Nimin tlai thleng khan Mizoram District 11 zingah Siaha, Lawngtlai leh Hnahthial bakah Serchhip District-ah te hri kai enkawllai an awm rihlo a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »