Thawhhona tur ziakfel

PMJVK Scheme hnuaia DPR leh Concept Note siam/buatsaih hna thawk turin District Council & Minority Affairs Department chuan Northeast Consultancy Services (NECS) nen Deed of Agreement siamin nimin khan District Council & Minority Affairs Minister R. Lalzirliana pisa-ah a hriatpuina in hming an ziah hnan a, he hunah hian R. Lalzirliana chuan sawrkar laipuiin hnam tenau (minority) te a ngaih pawimawh em avangin PMJVK Scheme pawh chak zawk leh huam zau zawka kalpui a tum mek a, he Scheme hnuaiah hian DPR leh Project hrang hrang Concept Note siam/ziak/buatsaih turin NECS te thiamna leh tha chhawr a ni thei dawn chu lawmawm a tih thu a sawi a. Heng project an siam tur hrang hrangte chuan Mizorama district zawng zawngte huamin ram hmasawnna tur mamawh tam tak a phuhruk theih ngei a beisei thu a sawi bawk.