Latest News

Mizoram Governor leh CRPF hotu an inkawm

Mizoram Governor Hari Babu Kambhampati leh CRPF Tripura Sector-a IGP Ravideep Singh Sahi te chu Raj Bhavan-ah inkawmin Mizoram chhunga CRPF hnathawh leh mipui vantlang tana an luanchhuah chungchangte an sawidun.

He an inkawmna ah hian Mizoram Governor Hari Babu Kambhampati chuan CRPF ten an hnathawh pangngai tha taka an thawh bakah an awmna hmuna cheng mipui vantlang tan rotling thil tangkai tak te an siam thin chu lawmawm a tih thu a sawi a. Niminpiah lamah Zemabawk Veng chhungah mipui vantlang tan tangkai tur inbualna, inthiarna leh Waiting Shed te Civic Action Prog-ramme kaltlanga CRPF ten an sak te chu hawn a ni tih a lo hriat thu leh lawmawm a tih thu a sawi a ni. Governor chuan CRPF te chu an awmna hmuna cheng mipui vantlang te nen inlaichinna tha tak nei chhunzawm zel turin a chah bawk.

CRPF Tripura Sector-a IGP Ravideep Singh Sahi chuan tun tuma Civic Action Programme 2022 kaltlanga an hnathawh chungchangte Governor hnenah hian a sawi a. Heng bakah CRPF in Mizorama an hnathawh tlangpui leh thil pawi-mawh dang te pawh a thlen bawk a ni.

Ravideep Singh Sahi chuan Mizoram mipuite chu an hawihawm a, thawhhona tha tak an neihpui thei a. Mipui vantlang hruaitute nen pawh inpawh tlang takin hna an thawk ho thei tih a sawi a. Hetianga thawhhona tha tak neih chhunzawm zel an duh thu te sawiin, CRPF pawhin an theihna zawnah Mizoram tan theihtawp chhuah zel an tum thu a sawi bawk.

Comments

Popular News (Last 30 Days)