Contractor te ni 15 chhung hun pek an ni

Lunglei District-a Environment humhalh kawnga Dan te zawm anih theihna tura hmalatu leh thuneitu ‘Lunglei District Monitoring Committee on Compliance of Environmental Laws’ chu nimin khan an Chairman leh Lunglei DC Kulothungan A hovin an thukhawm.

He thutkhawm ah hian Lunglei DC chuan khawvel changkang chho zelah leilung hausakna kan ti chereu nasa hle tih sawiin, ram kan tihchhiat leh hemi avanga boruak, sik leh sa danglam nasa lutuk veng leh siamtha leh turin theihtawp a tan kan laka, Environmental Laws ding lai te tha taka kan zawm tlan a tul a ni, a ti a. Lunglei District huamchhunga National Highway hnathawh mek pahnih NH-54 leh NH-302 te chu kan ram economy than len zelnan an pawimawh takzet rualin heng kawngpui laih avanga environment tihchhiat anih lohnan Environmental Laws uluk taka kan zawm a tul a ni, a ti bawk.

He hunah hian NHIDCL hotute leh NH-54 siam hna thawh meka Project Manager-te chuan an hnathawh dan te an sawifiah a. Contractor te chu leivung paihna hmun tur chauha paih tur leh a paihna hmunah te leivung dalna bang tha tak siam turin ni 15 hun pek an ni.