Champhai Leilet chungchang sawihona nei

Champhai District chhunga WRC ram (Cham-phai Leilet Area) humhalh chungchang sawihona chu nimin khan neih Revenue Minister Lalruatkima leh Forest Minister TJ. Lalnuntluanga te hovin neih a ni.

Champhai Leilet Area humhalh chungchang sawihona hi vawi engemaw zat neih a lo ni tawh a, Meeting hmasa lamin a lo rel tawh angin Champhai Leilet Area hi a hmuna enfiah a ni tawh a, enfiahna ah hian Director, Land Revenue & Settlement Department chu Convener niin, Agriculture lama thawktute leh NGO Coordination Committee te leh Nature Conservancy aiawhte pawh an tel bawk a ni.

He Spot Verification/Enfiahna Report hi nimin thutkhawm ah hian zirho leh niin, Cha-mphai Leilet Area hi Special Economic Zone (SEZ) a puan tura ruahman nise tih a ni a, nikum (2021) July khan Land Revenue & Settlement chuan Champhai Leilet Area chhunga Agriculture lam hmalakna nilo chu engmah hmalakna dang kalpui phal a nih loh thu pawh Order hmangin a lo chhuah tawh bawk a ni. Champhai Leilet Area hi 606.66 Hactare a zau a ni. Helai Leilet Area chhunga Pass lo neisa te chu an Pass neih mila siamrem sak tum a ni bawk.

Sawrkarin heti zawnga hmalakna a kalpui chhan hi Champhai Leilet Area chhungah insak leh thil dang atana hmalakna, Sawrkar phalna ni si lova kalpui a tam bakah, Lo neia eizawngtute hma khua ngaih vang liau liau a ni a, hetia hmalak a nih loh chuan nakin zelah Loneitute tan eizawnna tur hmun hma a awm loh a hlauhthawn vang a ni.