Central YMA in Silchar-ah tui in tur thawn

/

Tunhnaia tuilian nasa tak tuar Silchar (Assam) mipuite tan Central YMA chuan nimin khan tui thianghlim (Package Drinking Water) litre 15000 zet Assam-ah a thawnlut.


 Silchar leh a chhehvel hian tunhnai chho ah tuilian nasa tak tuarin mipui ten tui thianghlim in tur an tlachham tih hriain Inrinni zan khan Central YMA chuan tui thianghlim in tur thawn hi a rel a, hemi atan hian hma la zui nghalin nimin khan a remchang thei ang ang an thawn thla nghal a, nimin a tui an thawn te hi Central YMA President R. Lalngheta'n Aizawl City Park kawt atangin a vailiam a ni.

Central YMA hian Branch YMA 31 atangin Tui case 696 dawngin Central YMA in case 100 bakah SBI Officers Association of Mizoram ten case 200 an thawh bawk a. Branch YMA thenkhat pawisafai thawh te hmangin case 170 lei belh ni bawkin, mimal thawhte nen avaiin Tui case 1183, litre 15000 vêl thawn a ni a, Motor lian 3 leh Motor te 6 bakah hruaitute kalna lirthei 2 nen, lirthei 11 hmangin tui hlan tur hian mi 24 an kal a, an kalna senso atan hian Sports Minister Robert Romawia Royte chuan Rs. 50,000/- a hlan bawk a ni.


Hetihlai hian nimin tlai khan Mizoram Chief Minister Zoramthang leh Assam Chief Minister Himanta Biswa Sarma te chu Phone hmanga inbiain tui thianghlim in tur harsatna hi an sawidun a, Mizoram Chief Minister chuan tuizem lian ah tui thianghlim truck-in thawn thlak a, Vairengte atanga a remchan dan anga inpek Mizoramin a inhuam thu hrilhin, hemi atan hian hmalak nghal a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »