Mipui phurrit belhchhahna tura hma la lo turin ngen

PC Party chuan thuchhuah siamin June 23-a PHE Department-in Berawtlang Multipurpose Hall-a an hnathawh thlirlètna an neih tuma Dy. Chief Minister leh PHE changtu Tawnluia’n tui bill tihpun chu thil tih àwm a tih a sawi chu tha an ti lo hle tih an sawi a. India rama State hrang hrang ah Electric Bill leh tui bill a hniam thei ang bera sawrkarin an kal chhohpui mek tawh laia Mizoram sawrkarin tihpun a tum chu mipui tan phurrit tak tur a ni tih sawiin, Tui bill tihsan tum chhan chu sum enkawl thiam tawk loh vanga indaihlohna vang ah an ngaih thu an sawi a, mipui dinhmun chawikang hmasa lova mipui phurrit belhchhahna tura hma la lo turin Mizoram sawrkar an ngen tak meuh tih an sawi bawk.