Latest News

Coop Society Assembly nei

Serchhip Consumer Cooperative Society chuan Inrinni khan Annual Assembly neiin an hmalakna hrang hrang an thlirho.


Serchhip Consumer Cooperative Society Annual Assembly hi COVID-19 hri leng avanga kum 2 chhung neih theih a nih loh hnuah Inrinni khan Serchhip Hmar Veng YMA Hall-ah neih a ni a, he hun hi an Society Vice Chairman R. Lalngaihawma chuan kaihruaiin an Secretary H. Vanlalhruaia hnen atangin report ngaihthlak a ni a, Managing Board Member H. Malsawma hnen atangin thusawi ngaihthlak a ni bawk.

Serchhip Consumer Cooperative Society hi Serchhip a Cooperative Society hlun ber pawl leh Share Holder pawh tam berna pawl a ni a, kum 1967 July thla khan din niin tunah hian Share Holder 413 an awm mek a, Serchhip Bazar-a dawr an neih chu an sum hmuhna langsar niin COVID-19 hri leng avanga dawr hawn theihloh a tam avang leh an bungraw thenkhat chhia a awm avangin nasa takin an tuar tih an sawi a, hemi atanga inkhaichhuah lehna atan an dawr chu Share Holder ten dawr uar lehzual a tul thu te pawh an sawi bawk a ni.

Comments

Popular News (Last 30 Days)