Buhfai leh tuialhthei dahkhawl a awm tha tih sawi

Tun dinhmunah Mizoram-ah buhfai leh tuialhthei dahkhawl a awm tha a, mipuite tan thlaphanna tur a awm lo niin Food, Civil Supplies and Consumer Affairs Director Dr. Andrew H. Vanlaldika chuan a sawi.

Assam State chhunga Rel kawng chhia leh Meghalaya State chhunga National Highway No. 6 kawngpui chhiat avangin Assam chhimlam, Mizoram, Tripura leh Manipur inkalpawhna a ping mek a. Hetihlai hian Mizoram thingtlang khaw kilkhawr deuh, Fur ruahtui tlak hnu a kalpawh harsatna hmunah te chuan Fur atana inbuatsaih lawkna avangin buhfai tam tawk chhekkhawl a ni tawh a. Khawpui lamah pawh tun maiah buhfai harsatna tur a awm lo niin Director chuan a sawi.

Petrol leh Diesel-ah pawh thlaphanna tur a awm loh thu Supply Director chuan sawiin, Social Media lama Meghalaya kawng chhia puandarh a nih veleh Filling Station-te chu tuialhthei an pekchhuah theih zat khuahkhirh nghal a ni, a ti a. Hei hi dan kalha chheprelh leh man to zawka hralh venna a nih thu a sawi bawk.

Comments

Popular posts from this blog

Bialtu MLA in Laptop pe