COVID-19 kai zingah 99.63% enkawl dam tawh

Mizoram-ah COVID-19 hri kai hmuhchhuah atanga chhutin za zela 99.63 te enkawl dam an ni tawh a, nimin tlai thlengin hri kai enkawllai mi 141 an la awm.

Inrinni khan Mizoram-ah Sample 285 enfiah niin heng atang hian COVID-19 hri kai mi 27 hmuh an ni a, Sample enfiah atanga chhutin za zela 9.47 te chuan hri an kai a, hri kai hmuhchhuah te hi Rapid Antigen Test hmanga Sample enfiah 281 atangin mi 25 niin Aizawl District-ah 16, Kolasib District-ah 4, Saitual District-ah 3 leh Lunglei leh Mamit District-ah mi pakhat ve ve an ni a, ZMC-a RT-PCR Laboratory-a Sample enfiah 2 atangin hri kai mi pahnih hmuh an ni bawk.

Zirtawpni khan Mizoram-ah Sample 160 enfiah niin heng atang hian COVID-19 hri kai mi 17 hmuhchhuah an ni a, Sample enfiah atanga chhutin za zela 10.63 ten hri an kai a, hri kai hmuhchhuah zinga 16 te hi Rapid Antigen Test hmanga hri kai hmuhchhuah niin Aizawl District-ah 13, Lunglei District-ah 2 leh Kolasib District-ah mi pakhat te an ni a, hri kai hmuhchhuah pakhat hi ZMC-a RT-PCR Laboratory atanga hmuh a ni thung.

Inrinni khan Mizoram-ah COVID-19 hri kai enkawl dam mi 22 awmin nimin khan mi 14 te enkawl dam an ni leh bawk a, heti hian nimin tlai thleng khan Mizoram-a COVID-19 hri kai hmuhchhuah tawh chu 2,28,731 niin an zinga 2,27,889 te chu enkawl dam an ni tawh a, hri kai hmuhchhuah atanga chhutin za zela 99.63 te chu enkawl dam an ni tawh a, hri kai enkawllai mi 141 la awmin hri kai zingah mi 701 an boral tawh bawk a ni.

Comments

Popular posts from this blog

Bialtu MLA in Laptop pe