ASF vangin Vawk thi la pung

Vawk hri leng African Swine Fever (ASF) vangin nimin khan Mizoram-ah Vawk 39 a thih belh leh a, heng te nen hian kum March thla atanga ASF hri leng avanga Vawk thi chu 4,848 a tling tawh. ASF hi Mizoram District 9-a khua leh Veng 68-ah a leng leh mek nia hriat a ni a, ASF hri lenna a la puan loh khaw 36-ah Vawk thi 641 a awm tawh bawk a ni. Nimin khan Mizoram-ah Vawk 11 te chu suat leh a ni a, kumin March thla atanga Vawk pulhri len nawn hnu a Vawk suat zat chu 4,077 a tling tawh bawk a ni. Nikum March 21 atanga ASF vawk pulhri leng-ah nikum khan Vawk 33,417 a thi a, cheng vbc. 60 chuang hu a ngaih a ni.