MO chhuina zofel tawh

Sialsuk Primary Health Centre (PHC)-a Medical Officer Dr. Linda Lalbiaknungi chet dan leh damdawi In-a damlo enkawl lai Lalrengpuia chhuahtir chungchang chhui chiang tura ruat Aibawk BDO chuan a report Health Secretary hnenah a thehlut tawh. Thudawn danin Sialsuk PHC-a thil thleng chhui chiang tura ruat Aibawk BDO Chinlianmanga chuan June ni 10, 2022 khan a chhuina report chu Health Secretary R. Lalramnghaka hnenah a thehlut a, a report te zirchianga a tul dan anga hmalak zel dan tur ngaihtuah turin Health Minister hoin Department Official te an la thukhawm leh dawn a ni. Tarlan tawh angin Sialsuk PHC-a Medical Officer Dr. Linda Lalbiaknungi chet dan leh damdawi In-a damlo enkawl lai chhuahtir chungchang chhui chiang turin Health Department chuan June ni 1, 2022 khan Aibawk BDO Chinlianmanga a ruat a, June ni 10, 2022 ralhmain Health Secretary hnenah report thehlut tura tih a ni.