Ziak leh chhiar zirtirna ah tanrual ngai ti

School Education Minister Lalchhandama Ralte chuan New India Literacy Programme hnuaiah ziak leh chhiar zirtir kawngah tanrual a ngai tih a sawi.

Nimin-a State Literacy Mission Authority (SLMA) Governing Council leh Executive Committee te thutkhawmnav ah he thu hi sawiin School Education Minister chuan thawktute mai bakah Kohhran te leh tlawmngai pawl te chu tanrualpui ah sawmin, ziak leh chhiar-ah Mizoram chu a sang ber pawl anih avangin Mizoram zahawmna vawng nung a, tithangmawi zel turin tanrual a ngai tih a sawi a ni.

Education Minister chuan Mizoram chu Digital Literacy lamah pawh an hniam lo tih sawiin, State dangte nena khaikhin pawhin a tha pawl tak a ni tih a sawi a, Chhiarpui neih hunah pawh NILP tehfungah ziak leh chhiar thiam chuan Digital Literacy a huam tel avangin heti lama an hmasawnna chu hmuh hmaih loh nise a ti a. Ziak leh chhiar zirtir ah School-a thawktute an rim deuh dawn tih pawh sawiin, chutih rualin Kohhran leh tlawmngai pawlte pawh kut ke pawimawh an nih avangin theihtawp chhuah turin a sawm bawk a ni.