Shillong-a Patients' Lodge sak mek Minister in tlawh

Mizoram atanga Shillong-a damlo leh an awmpuitu te thlenna atana Mizoram Sawrkarin In a sak mek, Patients' Lodge chu nimin khan Shillong-a zin Rural Development changtu Minister Lalruatkima chuan a tlawh.

NEIGHRIMS Hospital bul Mawkasiang, Shillong-a Patients’ Lodge sak mek chu Mizoram atanga damlo, NEIGHRIMS pantute thlen leh chawlhna atana Mizoram sawrkarin a sak a nih vangin damlote tan pawha thlamuanpui tlak ni tura hna uluk a tul tih Minister chuan a sawi a, mipuite ta tur a nih avangin a tha thei ang bera sa turin contractor pawh a chah nghal a ni.

Patients’ Lodge sak nan hian cheng nuai 419,67 ruahman niin a satu contractor hi T. Thanzauva a ni a, a sakna tur sum First Instalment cheng nuai 167.87 hi October ni 20, 2021 khan pekchhuah niin  chhawng thum a sak tur a ni a, a building zau zawng hi 95 ft x 42 ft a ni ang. RD Minister Lalruatkima hian Shillong Mizoram House Office leh buildingte tlawh nghalin thawktute nen inkawmhona an nei bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man