SEDP dawng turte tan training buatsaih

Nimin khan Mamit-ah SEDP 2022-2023 hnuaia Vaimim, Bekang leh Fu chingtute tan training neih a ni.

Mamit Chhim Veng YMA Hall a he training neih hi District Bawrhsap Lalnunhlua chuan hmanpuiin Central Sawrkar leh State Sawrkar atangin Scheme tha tak tak mipuite khaichhuahna tur duan thin a ni tih sawiin, a dawngtu mipui te'n kan zir loh chuan heng Scheme te hi a hlawhtling zo thin lo tih a sawi a. SEDP hnuaia tanpuina dawng tura thlanchhuahte chu an vanneih thu sawiin, Scheme in a tum ang ngeia hlawhtlinpui tum turin a chah a, thahnemngai leh mahni inpekna nena hmala tur leh mithiam zawkte zirtirna uluk taka ngaithla turin kalkhawmte a chah bawk.

He Training-ah hian SEDP dawng tura thlanchhuah Mamit leh Damdiai khaw mi te telin KVK Lengpui-a mithiam ten zirtirna an pe a, Vaimim, Bekang leh Fu chin dan bakah heng thlai te hri laka inven dan te an zirtir a ni.