Mizoram-ah hri kai enkawllai mi 304 la awm

Niminpiah khan Mizoram-ah COVID-19 hri kai mi 45 hmuh belh niin nimin-ah mi 104 enkawl dam an ni a, nimin tlai dar 5:00 thleng khan Mizoram-ah hri kai enkawllai mi 304 an la awm mek a ni.

Niminpiah khan Mizoram-ah Sample 638 enfiah leh niin heng atang hian COVID-19 hri kai mi 45 hmuh niin Sample enfiah atanga chhutin za zela 7.05 te chuan hri an kai a, Rapid Antigen Test hmanga Sample enfiah408 te atangin hri kai mi 43 hmuh niin Serchhip District-ah 13, Aizawl District-ah 12, Saitual District-ah 11, Lunglei District-ah 3, Champhai District-ah mi 2 leh Khawzawl leh Hnahthial District-ah hri kai mi pakhat ve ve hmuh an ni bawk.

Heng bakah hian ZMC-a RT-PCR Laboratory-a Sample enfiah 224 atangin hri kai mi pahnih hmuh an ni bawk a, Lunglei-a TrueNat Laboratory-a Sample enfiah 5 leh Fluorescent Immunoassay Test hmanga Serchhip District-a Sample enfiah pakhat ah hri kai hmuh an awm lo thung a ni.

Nimin khan tlai dar 5:00 thlengin Mizoram-ah hri kai enkawl dam mi 104 an awm belh leh bawk a, heti hian nimin tlai dar 5:00 thleng khan Mizoram-ah COVID-19 hri kai hmuhchhuah tawh chu 2,27,645 niin an zinga 2,26,644 chu enkawl dam an ni tawh a, hei hi hri kai hmuh tawh atanga chhutin za zela 99.56 enkawl dam ang a ni a, hri kai enkawllai 304 la awmin hri kai zingah mi 697 an boral tawh a, hri kai enkawllai la awm zat hi hri kai hmuhchhuah atanga chhutin za zela 0.13 a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar