'Save Tlawng Lui Project' kharna hun hmang

April 19, 2022 atanga kalpui 'Save Tlawng Lui Project' chu nimin khan Bairabi North YMA Hall-ah a kharna neih niin bialtu MLA leh Supply Minister K. Lalrinliana chuan a hmanpui a ni.

'Save Tlawng Lui Project' kharna hunah hian Supply Minister chuan Mizoram nunna hnar ang hial a ngaih theih, kan tui lakna ber Tlawng lui chhanchhuah a tul zia inzirtirna leh mipui nawlpui inkaihharh nana mi inpe tak tak ten 'Save Tlawng Lui Project' an kalpui chu lawmawm a tih thu sawiin, hei hian hmasawnna duhawm tak a thlen phah ngei a beisei thu a sawi a. Tui indaihlohna thleng mek chu ngaih pawimawh a, luidung a thing leh nungcha humhalh leh tui thianghlim nei tura kan bawlhhlawh sawngbawlna kawng ah te ngaihtuahna thar put a tul thu sawiin, Hydel Project tuikhuah kam a Lo neih tum talh awm thin te chuan tui hna a tihchhiat thin thu a sawi a. Tun hun a ram leilung hausakna humhalh duhna thinlung nena mi inpe te penchhuahna hian mipui thinlungah a tha lam zawngin thui takin awmzia a neih phah ngei a beisei thu a sawi bawk.

'Save Tlawng Lui Project' hnuaia Tlawng lui zawh chhuaktu Romalsawma chuan Mizoram leilung hausakna chereu mek chhanchhuah nan leh ramngaw neih belh nan penchhuah a hun tawh tak zet thu he hunah hian sawiin, hemi kawnga hma la tur hian mitin an pawimawh thu a sawi bawk a ni.

'Save Tlawng Lui Project' hi April 19, 2022 khan kalpui tan niin Zotrek, East India Campers leh Mission Vengthlang Adventure Club-ten a tul angin an buaipui a. Zobawk, Mausen kai atanga Tlawng lui hi zawh tan niin May 5, 2022 hian Bairabi hi an zawh thleng a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar