MJA (SD) Member ten Grape sawrna an tlawh

April 27-29, 22022 chhung khan MJA Serchhip District Member te chuan Mizoram-a Grape china leh sawrna hmunpui Hnahlan khua tlawhin an hmalak dan an enfiah.

ATMA Serchhip Block bultuma Hnahlan tlawhtu MJA Member te hi Hnahlan Grape Growers’ and Processing Cooperative Society hruaitu ten lo dawngsawngin an Winery hmunhma an fanpui a, Hnahlan khua In 700 velah chhungkaw 250 velin Grape chhinga ei an zawn thu sawiin, Mizoram sawrkar-in Wineshop a hawn hun chhung khan Grape wine chu a hralhna a hnawng hman thu leh amaherawhchu, Zu khap a nih leh hnu hian Grape wine chu mipuiin in chan lo leh mekin, Grape sawr tur an duh khawp an hmuh loh zawk thu a sawi a, Grape chinna hmun an lo hnuchhawn hman lek lek te pawh an tuaithar leh mek thu an sawi a ni. Hei bakah hian ‘Zawlaidi’ an lo siam tawh chu mipui atangin acid leh bawlhlo dang telhte avangin pum lam tha lote tan a him lo nia sawi a awm thu pawh sawiin, tunah chuan bawlhlo dang, pumin a huat loh tur hmangin an Grape Wine pawh ‘Issabella’ tia thlakin 14% alchohol a awm thu an sawi bawk a ni.