Ruah, thli leh rial vangin chenna In chhia tam

Inrinni tlai-ah ruah bakah thli leh rial nasa tak thawk avangin Mizoram hmun thenkhat ah chhiatna a thleng nual.

Thudawn danin Inrinni tlai-a thli tleh leh rial thawk avangin Mamit District-a khaw 3-ah chenna In 60 vel chhiain heng zinga 13 te chu luahzui tlakloh in a chhia a, Hmunpui khuaah In 47 chhiain heng zinga 7 te chu luah zui tlak loh khawpin a chhia a, Mamit Bazar Veng-ah In 3 leh Mamit Venghlun-ahIn 2 chu rial tla hian a deng chhia a. Andermanik khuaah chenna In 8 thlipuiin lenchhia in heng zinga In 6 chu luahzui tlak loh khawpin a chhia a ni.

Thlipui leh ruahsur hian Champhai District-a Hnahlan khua ah pawh chhiatna a thlen nual a. Mimal 7 te chenna In a tihchhiat bakah Hnahlan-a Grape Winery building te, Hnahlan Vengthlang Presbyterian Centenary Building te, Hnahlan Saron Veng UPC Sunday Sikul Hall te, Hnahlan-a Salvation Army Tawngtaina Hall hungna bang te a tichhe tel a, nasa taka tihchhiat erawh a nei lo niin thudawnna chuan a sawi.

Hetihlai hian Saitual District-a Phuaibuang khua ah pawh rial tla in chenna In 287 vel zet chu a chung a dengchhe bawk a, an zinga In 72 te chu riahna atana hmanzui tlakloh in a awm a ni. Heng In chhia te hi nimin khan khawtlang huapin thawmthat hnatlang neih a ni a, bialtu MLA leh Assembly Speaker Lalrinliana Sailo chuan Phullen BDO kaltlangin Silpauline 29 a pe nghal a, Rangva In chhung chhia thlakna atan Rangva bundle 250 ruahman nghal a ni bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result