Buhfai sem zui zel dawn

Serchhip District Civil Supply Officer (DCSO) Lalthanmawia chuan hripui leng avanga harsatna chi hrang hrang mipui in kan tawhte chu sawrkar laipuiin hriain, mi harsa zawkte tan thla tin buhfai kg 5 a thlawna sem dan a ngaihtuah chu May 2020 atang khan kalpui tan a nih thu leh May 2021 khan ruahmanna thar siam leh niin September 2022 thleng a thlawna sem chhunzawm zel tur a nih tur thu a sawi a. Serchhip District-ah tun dinhmun AAY Card nei chhungkaw 1960 awmin member 5166 an awm a, PHH Card nei chhungkaw 10337 awmin chhungkaw member 45,912 an awm mek a ni.