IIM Shillong hotute kawm

Mizoram Youth Commission (MYC) Chairman Dr. Vanlaltanpuia MLA leh IIM, Shillong a Director DP. Goyal te chu nimin khan inkawmin Mizo thalaite tana hmasawnna tur kawng hrang hrang an sawidun a, MYC Chairman chuan Mizo thalaite mamawh kawng hrang hrangte sawi-puiin, IIM Shillong chu thawhpuiah a sawm a ni. He inkawmna ah hian Mizoram in Skill Training a mamawh tak hmuchhuak tura Skill Gap Research nei tura thawhho chungchang te, Mizoram sawrkar hnuaia hnathawk Officers leh Local Youths te tana IIM Shillong-a training buatsaih chungchang leh Mizo thalaite thiamna ril zawk zir tura intuaihriam nan Super 10 programme emaw buatsaiha; chumi hnuaia Mizo thalai 10 te chu IIM a training thei tura intuaihriamna neihpui chungchang te sawiho a ni a, IIM Director leh Research Team te hi reilote ah Mizoram a lokal a MYC te nena thawhhona nei tura inkawmna neih leh tum a ni.