LS Speaker in Assembly Golden Jubilee chibai a buk

Lok Sabha Speaker Om Birla chuan Mizoram Legislative Assembly Golden Jubilee chibai a buk.

Nimin-a thu a thawn ah Lok Sabha Speaker chuan, Mizoram Legislative Assembly invawn dan chu India democracy timawitu leh entawn tlaka siamtu a ni, tiin hun lo kal zel turah hetianga an chetzia hi vawng nung a, mite entawn tura insiam chho zel tura a duh thu a sawi a. Mizoram chu IndiaAct-East Policy-ah hmun pawimawh tak luahtu a ni tih sawiin Speaker chuan, thenawm ram Myanmar leh Bangladesh nena insumdawn tawnna leh inlaichinna siamtu pawimawh a ni, a ti a, Tlawmngaihna nun neitu Mizote a ngaihsan thu a sawi bawk.

India ram zalenna kum 75-na lawm anih mek laia Mizoram Legislative Assembly Golden Jubilee lawm a ni ve nghal pawh inhmeh a tih thu Lok Sabha Speaker chuan a sawi a, hmasawn zel turin mipuite duhsakna a hlan tih a sawi a ni.

Comments

Chhiar Hlawhte