Green Mizoram Day hman dan tur ruahman

State Level Sub Committee on Green Mizoram chu nimin khan thukhawmin kumin a ‘Green Mizoram Day’ hman dan tur an sawiho.

SAD Conference Hall-a State Level Sub Committee on Green Mizoram thutkhawm hi an Chairman leh EF&CC Minister TJ. Lalnuntluanga chuan kaihruaiin kumina Green Mizoram Day hmanna ah tuihna humhalh leh tihpun nan thingphun uar a tulzia chu zau thei ang berin mipui leh zirlaiah te inzirtir nise an ti a. Kumin-a State Level Green Mizoram Day programme Ceremonial Tree Planting chu Aizawl-a Tlawng kam hmun remah hman nise tiin, DFO tin ten lui hnar leh tuihna tihpun nan lui kamah thing phunna neih ni se tiin an rawt a ni. June ni 11-a Green Mizoram Day hi Inrinni-ah a tlak avangin June ni 10 (Zirtawpni)-ah programme hman tura ruahman niin thupui atana ‘Thingphun la, tui hna siam rawh’ tih chu rawt a ni bawk. Heng rawtna hi State Level Committee-ah chhawpchhuah a ni ang.