Enkawllai tlem hret hret zel

Nimin thleng khan Serchhip District-ah COVID-19 hri kai enkawllai an tlem ve leh hret hret.

Serchhip District-ah COVID-19 hri kai mi 13 hmuhchhuah belh leh an ni a, heng te hi Serchhip P&E Veng leh Khawlailung-ah mi 4 ve ve, Thenzawl-ah mi 2 leh Bungtlang, Hmun-zawl leh Zote South-ah mi pakhat theuh te an ni. 

Hetihlai hian nimin khan Serchhip District-ah hri kai enkawl dam mi 21 an awm leh bawk a, heti hian nimin tlai thleng khan Serchhip District-a hri kai hmuh tawh chu 13,922 niin an zinga 13,808 te chu enkawl dam an ni tawh a, hri kai hmuh atanga chhutin za zela 99.18 chu enkawl dam an ni tawh a, hri kai enkawllai mi 79 an la awm bawk a ni. Serchhip District-a hri kai enkawllai te hi mahni In lama enkawl deuh vek niin hri kai enkawlna atan hian CCC leh DCHC pakhat ve ve ala awm a ni.

COVID-19 hri kai boral :

Nimin chawhnu dar 1:00 khan Lalvuana (86), Thenzawl Vengchhak chu COVID-19 vangin a boral a, Serchhip District-ah COVID-19 vangin mi 35 an boral ta a ni. Thudawn danin Lalvuana hian kar hmasa lam khan mahni-a in enfiahin COVID-19 hri hi a kai a, amaherawh chu mahni a inenkawlin thuneitute pawh an hriattir lem lo a, a natna a zual zel avangin Inrinni khan inentir lehin hetah hian hri a kai tih hi finfiah theih a ni ta chauh a, DCHC-ah rawn refer niin nimin khan ZMC-ah refer leh a ni a, a boral zui ta a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar