VC ten hriatpuina lehkha thenkhat man la dawn

Serchhip Town chhunga Village Council te chuan Sawrkar-a hriatpuina lehkha an pek thin thenkhat ah pawisa lak ve thin tawh nise an ti.

Nimin khan Serchhip Town Joint VC Committee chu Serchhip Sub-Hqrs. YMA Conference Hall-ah thukhawmin hemi chungchang hi an ngaihtuah a, sawrkar-a hriatpuina lehkha an pekchhuah thin thenkhat ah pawisa chawitir ve thin nise tiin ILP chungchanga hriatpuina an ziah ah pakhat zelah Rs. 200/- lak nise an ti a, hei bakah hian Motor Registration ti thar turte tana Garrage an nei tih hriatpuina an ziah thin ah Two Wheeler-ah Rs. 50/- zel leh Three Wheeler leh Four Wheeler-ah te Rs. 100/- zel lak tawh nise an ti bawk.

Serchhip Joint VC thutkhawm hi an Chairman leh Serchhip Kawnpui VCP V. Tlangthuama chuan kaihruaiin tun thla ni 6-a Serchhip District VC Association din tur leh hruaitu thlanna neih tur atan Nominate mi pathum (3) an siam a, hei bakah hian MGNREGS kalpui mekah mipuite sum thawhkhawm thin chungchang pawh sawiho niin tuna an kalphung pangngai anga la kal rih nise an ti a, MGNREGS kalpui mekah kalphung thar awm tur chungchang pawh sawiho niin Department lam la ngaihchan nise an ti bawk. Nimin-a thutkhawm ah hian Serchhip khawpui chhunga VC hrang hrang aiawhte an tel tha hle a ni.