Dendrobium Brandisii leh D. Sikkimensis Plantation-ah nasa taka tan lak a ni tih sawi

Horticulture Development Board Vice Chairman leh MLA Prof. F. Lalnunmawia chuan kum hnih kalta chhungin Horticulture Department chuan Pilot Project atan Dendrobium Brandisii leh D. Sikkimensis plantation-ah te nasa taka tan a lak thu a sawi.

Azadi Ka Amrit Mahotsav ‘North East Festival’ denchhena buatsaih ‘Program for Roundtable on Bamboo’ nimin-a Aijal Club-a neih khuallian nia a hmanpuina ah he thu hi sawiin Horticulture Development Board Vice Chairman Prof. F. Lalnunmawia chuan Bamboo Link Road Project pawh sawrkar laipui chuan a pawmpui tawh thu a sawi a. India ram-a Bamboo Resources zaa 28 chu North East India-ah awmin, Bamboo Forest hian Total Forest area atanga chhutin 12.8% a zau a awh a. North East state zingah Mizoram chu Bamboo Diversity nei sang berin, chi 30 lai kan ramah a awm thu a sawi a ni.

Horticulture Development Board Vice Chairman chuan Bamboo Diversity-ah sang hle mah ila, Bamboo Development atan Technology lamah te, Industrial Infrastructure leh thildangah te tan lak a ngai nasa tih a sawi a. Kan ram-a awm, Melocanna baccifera chuan Bamboo Based Production mamawh a phuhruk zawh loh dan te sawiin, heng avang hian sawrkar chuan Large Size Bamboo Species-ah tan a lak thu leh tun tuma Roundtable Discussion hian rah tha tak chhuah se, sawrkar hmalakna ti phuisui a, hmasawnna tur thurawn pe thei, hmun hrang hrang atanga lo kalkhawmte chu sawmin, duhsakna a hlan a ni.

Roundtable on Bamboo-ah hian L. Lalhmingmawia Pachuau, Joint Director, Horticulture Department chu Moderator niin Addl. Chief Secretary JC. Ramthanga chuan inlawmna thu a sawi a, Dr Elizabeth Saipari, Director of Horticulture & Mission Director, State Bamboo Mission chuan ‘Bamboo Mission in Mizoram’ tih thupui hmanga thu sawiin, Dr. Carmelita Lalchhanhimi Pachuau chuan ‘Role and Potential of Bamboo’ tih hmangin thu a sawi bawk a. Dr. Avanish Kumar Srivastava, Director, CSIR-AMPRI hnen atangin ‘Bamboo Composite Research and Application in the Development of North East’ tih hmanga thusawi ngaihthlak a ni bawk. He hun hi ramchhung hmun hrang hrang atangin mithiam ten an rawn telpui bawk a ni.

Comments

Popular News (Last 30 Days)

LPG man bithliah thar