Police ten ralthuam tam tham tak an man

Nimin zing khan Mizoram Police-te chuan Kelsih khaw daiah puakthei leh ralthuam thahnem tham tak bakah ralthuam phurhna atana hman Pickup Truck pahnih leh lirthei neitu leh khalhtu ni bawk mi 2 an man bawk.

Thudawn danin nimin zing dar 2:35 khan Assam Rifles-te'n ralthuam phur ni a rilhlelh Pickup Truck pahnih an hren thu Kulikawn Police Station chuan dawngin, Kelsih khaw dai-a Pickup Truck pahnih chu an dap a, hetah hian puakthei thil leh ralthuam thahnem tham tak an man ta a ni.

Heng puakthei thil an man hi Gelatin bawm 55, a chhunga Gelatin tlawn 24,000 awm niin, tlawn 13,000 hi 'Neo gel 90' a ni a. Gelatin tipuak tura deh kaina hrui hi metre 2,000 vela sei man tel niin heng bakah hian Silai 8, Licence awm lo man a ni bawk a. Silai mante hi Shotgun 3, Sporting Rifle 2 leh Airgun 3, a vaiin 8 a ni a. Silaimu bawm 20 bakah silai zén bawm 4 (kg 100 vela rit) an man tel bawk. Heng ralthuam phurhna Motor neitu leh khalhtu ni bawk Lalbiaktluanga (42), Mualpui Bethel Veng leh Zoremsanga (42), Tlangnuam West bakah an lirtheite hi man an ni bawk. Police-te chuan ralthuamte hi Myanmar lama phurh chhoh tur nia rin niin, ralthuam hmanga sumdawnna a nih an rin thu an sawi bawk.

Comments

Popular News (Last 30 Days)

Vawiin-ah HSSLC Exam result