Central YLA General Conference vawi 29-na hmang

Central Young Lai Association (YLA) General Conference vawi 29-na chu nimin khan CYLA Hall, Lawngtlai-III ah neih a ni.

Central YLA Conference-ah hian nimin khan Rorel Palai 563 ten rorelna neiin thu ngaihtuah tura chhawpchhuah 7 te chu pawm a ni a, heng zingah hian kum 2024-a YLA Golden Jubilee ropui taka lawm te, Lai tawng in zirtirna lama hma an sawn theih nana hmalak leh a tul anga sawrkar (LADC) thawhpui te, Environment humhalh chungchanga hmalak te, Lawngtlai District-ah Institution of Rural Development Training Centre a awm theih nana hmalak te leh India North East State-a District Council dangte dinhmun ang thuneihna sang zawkah LADC dah anih ve theih nana hmalak te a tel a, Kumpuan thupui tan ‘Ram leh Hnam Humhalh’ tih chu thlangin kum 2022-2024 chhunga Central YLA budget atan Rs. 22,95,000 chu pawm a ni bawk.