Hnam Inpumkhatna Bus service tan dawn

Mizoram sawrkar in ruahmanna a siam angin karleh Thawhtanni atang khianAizawl leh Behliangchhip inkarah Mizoram State Transport (MST) Bus chu a service tan dawn ta a, ‘Hnam inpumkhatna Bus’ tia vuah State pahnih inkara tlan tur he Bus hi Chief Minister Zoramthanga chuan a vailiam dawn a ni. Ruahman lawk ang chuan ‘Hnam inpumkhatna Bus’ hi Aizawl atangin Thawhtanni leh Ningani-ah a chhuak dawn a, Behliangchhip atangin Thawhlehni leh Zirtawpni-ah a chhuak dawn bawk a ni. Tun dinhmunah chuan Kolasib paltlangin he Bus hi a service rih ang a, a kawng hlat zawng hi km 238 niin Ticket pakhat man Rs. 476/- a ni anga, thu leh awm hma chu Service chhunzawm tura ruahman a ni.