MJA in Book of the Year 2021 dawngtu lawmpui

Mizoram Journalists' Association (MJA) huaihawtin MJA Member zinga MAL Book of the Year 2021 dawngtu Lalhruaitluanga Chawngte (News Editor, The Aizawl Post) lawmpuina hun nimin khan Aizawl Press Club-ah buatsaih a ni.

Book of the Year 2021 atana thlan ‘Hnam ropuite u, tho r'u le’ tih ziaktu Lalhruaitluanga Chawngte lawmpuina inkhawm hi MJA Gen. Hqrs. Vice President Lalremsiama chuan a kaihruai a, MJA General Hqrs. President C. Lalrambuatsaiha leh lehkhabu ziaktu Lalhruaitluanga Chawngte ten thu an sawi a ni.

MJA chuan Lalhruaitluanga Chawngte hnenah hian Book of the Year a dawn lawmpui nan thuchei (certificate) leh Rs 10,000/- an hlan a, MJA President chuan, mi tam takin diary pawh an ziak tha peih lo tih sawiin, lehkhabu ziah phei chu thil harsa lehzual a nih thu a sawi a, “Kan member Hruaitea lehkhabu kum 2021 chhunga lehkhabu chhuak 170 chuang zingah a tha bera an thlang hi kan lawmpui tak zet,” a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man