Zirna In hawng tan dawn

Kumin 2022-2023 Academic Session atan Vawiin hian zirna In te chu hawn tan leh a ni dawn ta.

Vawiin a zirna In hrang hrang hawn tan tur hi Academic Session thar atana bul tanna a nih rualin hripui leng avanga kum hnih zet zirna In te hawn mumal theih a nih loh hnuah zirna In te hawn tan lehna tur a ni bawk a, hripui leng kara zirna In te hi hawn tur a nih avangin sawrkar lam pawhin hri laka naupangte himna tur inkaihhruaina te siamin ruahmanna hrang hrangte siam a ni a, zirna In hi zing dar 9:00-ah tan tur a ni dawn a ni.

Academic Session thar atan hian zirna In tam zawk te chuan Admission an tifel tawh a, zira In thenkhat ah chuan Admission hi la tih theih a nih bakah Vawiin lama tifel turte pawh an awm bawk a. Zirna In hrang hrang hawn a nih dawn avang hian nimin lam khan Serchhip a zirlaibu leh School Uniform zawrhna dawr hrang hrangte chu a lunin pantu an tam hle a ni.