Tuikum bial-ah SEDP kaltlangin Vaimim chi sem

Serchhip District chhunga Tuikum Assembly bial chhunga Vaimim chin thlangtu mi 300 zet te hnenah SEDP (Agriculture Board) hnuaiah Vaimim chi sem a ni.

MNF Tuikum Block chuan nimin khan thuchhuah siamin Sawrkar Flagship Programme, SEDP (Agriculture Board) hnuaiah Vaimim chin thlangtu chhungkaw 300 zet te hi Mizoram-a a hmasa ber pawl ni turin Vaimim chi sem an ni tih an sawi a. Kuthnathawktute dinchhuah theih nana chak taka hma la tu Chief Minister leh Agriculture Minister te bakah bialtu MLA ten an bial chhunga hma an lakna chu lawmawm an tih thu an sawi a, an bial chhunga Vaimim chi dawngtute pawh hlawhtlinpui ngei turin duhsakna an hlan bawk.

Hetihlai hian nimin khan Agriculture Department chuan Serchhip District chhunga khaw thenkhat a Vaimim ching turte hnenah Vaimim chi hi an sem a, hemi atan hian khaw hrang hrang ah Department-a thawk te chu an kal a ni.