Pathianni-ah hri kai mi 34 hmuh belh an ni

Pathianni khan Mizoram-ah Sample 453 enfiah niin heng atang hian COVID-19 hri kai mi 34 hmuhchhuah an ni a, Sample enfiah zat atanga chhutin za zela 7.51 te chuan hri an kai a ni.

Pathianni-a hri kai hmuhchhuah thar te hi Rapid Antigen Test hmanga Sample enfiah 452 atanga hri kai hmuhchhuah vek an ni a, Lunglei District-ah hri kai mi 15 hmuh niin Aizawl District-ah 9, Saitual District-ah 6, Lawngtlai District -ah mi 3 leh Mamit District-ah mi pakhat te an ni. Pathianni khan Lunglei District-a TrueNat Laboratory-ah Sample enfiah pakhat awmin hri kai hmuh a ni lo a, ZMC leh Lunglei-a RT-PCT Laboratory-ah Sample enfiah awm lovin Fluorescent Immunoassay Test hmangin Sample enfiah a awm lo bawk.

Nimin khan Mizoram-ah COVID-19 hri kai enkawl dam mi 202 an awm belh leh a, heti hian nimin thlenga Mizoram-a COVID-19 hri kai hmuhchhuah tawh chu 2,24,788 niin an zinga 2,23,325 te chu enkawl dam an ni tawh a, hri kai hmuhchhuah atanga za zela 99.35 te enkawl dam ni tawhin hri kai enkawllai mi 776 an la awm a, hrik ai te zingah mi 687 an boral tawh bawk a ni.

Nimin-a hri kai hmuhchhuah thar te la tel lovin Mamit District chu hri kai enkawllai tamna ber niin hri kai enkawllai 147 an awm mek a, Serchhip District in dawtin mi 129 enkawllai an awm a, Lunglei District-ah 120, Saitual District-ah 112 leh Aizawl District-ah mi 109 an la awm a. Hri kai enkawllai tlemna ber Siaha District-ah hri kai enkawllai mi 9 la awmin Lawngtlai District-ah 12, Kolasib District-ah 21, Hnahthial District-ah 24, Champhai District-ah 33 leh Khawzawl District-ah mi 60 enkawl mek an la ni bawk.