Tuichawng lui chunga Lei dawh chim ah mi 1 thi

Niminpiah tlai dar 5:30 vel khan Lawngtlai District chhunga Lawngtlai atanga Parva panna kawng, Vaseikai leh Longpuighat inkara Tuichawng Lei dawhlai chu chimin mi pakhat a thi.

He Lei chim chhan hi chiang taka hriat nilo mahse, mit-a hmutute chuan he Lei pawh nghehna tura ban an phun chu a tliak a, hei vang hian chim ta anih an rinthu an sawi a. Lei chim hian hnathawktu mi 6 te chimpuiin Tuichawng lui-ah an tla a, vanneihthlak takin an vai hian chhanchhuah an ni a, an zinga mi 2 chuan hliam na lutuk an neilo la, Vaseikai PHC ah kalpui niin, First Aid pek an nih hnuah chhuahtir an ni a, midang 4 erawh chu nizan hmasa la la khan Lawngtlai panpui an ni a, an zinga pakhat Hasar Ali (25), Assam chu a hliam tuar lovin kawng lakah a boral a, midang 3 chu Lairam Christian Medical Centre & Hospital Lawngtlai-ah enkawl an ni.

Lei dawh mek hi ft. 100-a thui tur niin Border Roads Organisation (BRO) hnuaiah VIJ Engineer & Consultant Pvt. Ltd. New Delhi chuan Lei dawh hna hi an thawk a ni.