Tawng humhalh ah nasa lehzuala hmalak ngai ti

Hachhek bialtu MLA Lalrindika Ralte chuan, “Mizo tawng humhalhna kawngah YMA-in nasa lehzuala hma kan lak a ngai a ni,” a ti.

Thinghlun Branch YMA kum 50 tlin lawmna Ningani leh Zirtawpni kaltaa Thinghlun Community Hall-a neih a hmanpuina ah he thu hi sawiin bialtu MLA Lalrindika Ralte chuan, “YMA hi a hlu a, Mizo hnam kan nihna nemnghettu chu kan tawng hi a ni a. YMA hi kan hnam anga pawl lian ber leh kan chhuan ber a nih angin tawng humhalhtu atan YMA te hi kan tangkai thei ber bawk a ni,” a ti. Mipa ten mipa kan nih anga kan mawhphurhna kan hlen a pawimawh zia pawh sawiin, “Mizo mipate hi kan inngaihtuah chian a ngai hle. A hnam pumpui ang pawha kan inngaihtuah chian a ngai a ni. He hnam himna leh dinchhuahna kawnga mawhphurtu chu mipate hi kan ni,” a ti bawk.

Comments

Popular News (Last 30 Days)

Vawiin-ah HSSLC Exam result