Compulsory Subject-a Hindi sengluh remtihna pe lo

School Education Minister Lalchhandama Ralte chuan Mizoram sawrkarin Hindi zir uar leh tawng thiam a tul a ti tih sawiin, pawl 10 thlenga Compulsory Subject-a sengluh remtihna erawh a pe lo, a ti.

Zirtawpni-a Union Home Minister Amit Shah-a thu sawi, India hmarchhak State zawng zawngin pawl 10 thleng Sikul-a compulsory subject atana Hindi hman an remti ti-a a sawi chungchanga AIR zawhna chhangin Education Minister chuan sawrkar hmasa khan a lo remti a nih loh chuan compulsory subject-a Hindi telh hi sawrkarin a remtihna a pek awm a hriat loh thu a sawi a. Hetih rual hian Mizoram hi Hindi hman lohna State a nih avangin Hindi zir uar hi sawrkar chuan a duh thu a sawi thin niin a sawi a. Hindi zir uar leh thiam hi inpumkhatna atan pawh a pawimawh tih chu sawrkarin a sawi dan a ni a. Compulsory subject a sengluh lam chu Mizoram sawrkarin a la sawi ngai lo niin a sawi a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result