Tam Dil hnaih khaw 4 tan chhawmdawlna sem

Tam Dil chhehvel khua a cheng ten ramngaw tichereu zel lova eizawnna ngelnghet an neih theihna tura chhawmdawl hna thawhna tur chu nimin khan Forest Minister TJ. Lalnuntluanga chuan a hawng.

‘Resource Development and Sustainable Livelihood Improvement under Tam Dil Wetland’ tia vuah he Scheme thar hawnna Tam Dil-a neih ah hian Forest Minister chuan Tam Dil leh a chhehvel khaw mi ten Tam Dil an venna ah leh humhalhna ah lawmthu sawiin, uluk taka venga humhalh chhunzawm zel turin a chah a. Tam Dil chhehvel khua 4 ten Tam Dil bula awm an nih avanga hamthatna an dawng thei tur chu lawmpuiawm a tih thu a sawi a. EF&CC Department Mizoram chuan kum 5 chhung Tam Dil enkawl dan tur Integrated Management Plan cheng nuai 980.81 hu siamin, chu chu sawrkar laipuiin pawmin a kum khatna 2020-21 khan cheng nuai 202.95 an rawn pek thu leh State sawrkar atanga doletna cheng nuai 22.55 ruahman a nih thu a sawi bawk.

Resource Development and Sustainable Livelihood Improvement Scheme hnuaiah hian chhungkaw 206 hnenah Rs. 50,000 hu theuh, a vaiin cheng nuai 103 semchhuah niin hmalak chhunzawm zel tur a ni ang.

Comments

Popular News (Last 30 Days)

Vawiin-ah HSSLC Exam result

LPG man bithliah thar