Skill Training buatsaih dawn

Zonuna Kawlni (LENKAWL) • April 7, 2022 • Comments • Serchhip

COVID-19 hri leng avanga State pawnlam atanga rawn haw, eizawnna chhunzawm theilote ten tun thla ni 20 atang khan Serchhip District-ah Skill Training neih a ni dawn.

Mizoram Youth Commission (MYC) hmalakna hnuaia Serchhip District-a Livelihood Generation for Returned Migrant Workers due to COVID-19 kalpui dan tur sawihona hi nimin khan District Bawrhsap Nazuk Kumar IAS hovin a Pisa-ah neih a ni a, he hmalakna hnuaiah hian tun thla ni 20 atang khian hri leng avanga hna chhunzawm thei tawhlo te tan Skill Training hi buatsaih nise tih niin tun tumah hian Piggery, Food Processing leh Cement Mistiri-ah te training hi neih a ni ang. Ruahman lawk ang chuan Cement Mistiri Training hi ni 45 chhung neih tur a ni anga, Piggery leh Food Processing hi ni 15 chhung training neih a ni dawn a, Serchhip Tarpi Tlang-a SIRD & PR hmun ah training hi neih tur a ni ang.