Ruihhlo do sawihona nei

Tunlaia Serchhip leh a chhehvel-a ruihhlo Heroin No. 4 hluar lutuk chungchanga hmalak dan tur sawihona chu nimin khan Serchhip SP Stephen Lalrinawma hovin neih a ni.

He sawihona Serchhip SP Conference Hall-a neih ah hian Excise & Narcotics Department-a Asst Commissioner leh hotute dang te; SDPO leh Serchhip leh Thenzawl-a Police OC te; Serchhip Sub-Hqrs. YMA Anti-Drug Squad hruaitute leh Then-zawl Joint YMA hruaitute an tel a, he hunah hian Serchhip SP Stephen Lalrinawma chuan Heroin No. 4 hluar chhoh dan te tarlangin, ruihhlo do tura thawhpui ah he huna kalkhawm te chu a sawm bawk a ni.

He sawihona hunah hian hmalak dan tur hrang hrang huamzau taka sawiho a ni a, Ser-chhip Sub-Hqrs. YMA Anti-Drug Squad chuan ruihhlo dona kawnga hmalakna turin YMA Branch hrang hrangah Anti-Drug Squad din tura hma an lo lak tawhna te an sawi a, hei hi tangkai taka hman dan tur te pawh sawiho a ni a. Hma-lakna tur hrang hrang an sawi te bawhzuiin thla khat hnuah hmalakna thlirletna hun neih leh nise an ti bawk a ni.