Hri kai hmuhchhuah 22 leh dam 26 awm belh leh

Nimin khan Serchhip District-ah COVID-19 hri kai mi 22 hmuhchhuah belh leh niin hri kai enkawllai mi 170 an la awm.

Nimin-a Serchhip District-a hri kai hmuhchhuah te hi Thenzawl-ah mi 6, Hmunzawl-ah 5, Hriangtlang leh Thentlang-ah mi pahnih ve ve leh East Lungdar, Kanghmun South, Khawlailung leh Ngentiang khua ah mi pakhat theuh niin Serchhip khawpui chhungah hri kai mi 3 hmuh an ni a, Serchhip Chhim Veng-ah mi pahnih leh New Serchhip Bazar Veng-ah mi pakhat an ni.

Nimin khan Serchhip District-ah hri kai enkawl dam mi 26 an awm belh ve leh thung a, heti  hian nimin thlenga Serchhip District-a CO-VID-19 hri kai hmuhchhuah tawh chu 13,422 niin an zinga 13,219 te chu enkawl dam ni tawhin hri kai hmuhchhuah atanga chhutin za zela 98.48 te chu enkawl dam an ni tawh a, hri kai enkawllai mi 170 la awmin hri kai zingah mi 33 an boral tawh bawk a ni.