LENKAWL ADS (Computer zir duh tan 6) :

Serchhip District-ah COVID-19 hri kai en-kawllai mi 227 an awm mek.

Nimin khan Serchhip District-ah COVID-19 hri kai hmuh thar leh enkawl dam chhinchhiah an awm belh lova, Inrinni khan Serchhip District-ah COVID-19 hri kai mi 23 hmuh belh niin an zinga 22 te hi Rapid Antigen Test hmanga hri kai hmuh te an ni a, an zinga mi 8 te hi Serchhip-a hri kai hmuh te niin P&E Veng-ah mi 4, IOC Veng leh New Serchhip North-ah mi pahnih ve ve hmuh an ni a. Heng bakah hian North Vanlaiphai leh Bawk-tlang-ah hri kai mi 5 ve ve hmuh niin Vanchengte-ah mi 3 leh Thenzawl-ah hri kai mi 2 hmuh an ni bawk.

Inrinni khan Serchhip District-ah COVID-19 hri kai enkawl dam mi 35 an awm a, heti hian nimin thleng khan Serchhip District-a hri kai hmuhchhuah chu 13,323 niin an zinga 13,063 te chu enkawl dam an ni tawh a, hri kai hmuh atanga chhutin za zela 98.04 te enkawl dam ni tawhin hri kai enkawllai mi 227 an la awm a, hri kai zingah mi 33 an boral tawh bawk a ni.