Serchhip District-ah hri kai 34 hmuh belh leh an ni

Nimin khan Serchhip District-ah COVID-19 hri kai mi 34 hmuhchhuah belh leh niin hri kai enkawl dam mi 32 an awm bawk.

Nimin a hri kai hmuhchhuah zingah hian Serchhip-a hri kai hmuhchhuah belh an awm lova, Hmuntha khua ah hri kai mi 12 hmuhchhuah niin Kanghmun South-ah hri kai mi 8 hmuh an ni a, North Van-laiphai-ah hri kai mi 6 hmuh niin East Lungdar ah hri kai mi 4 hmuh an ni bawk a, Keitum, Sial-hau, Thentlang leh Thenzawl-ah hri kai mi pakhat theuh hmuhchhuah an ni bawk.

Nimin khan Serchhip District-ah hri kai enkawl dam mi 32 awm belh lehin hri kai enkawl dam aiin hmuhchhuah thar mi pahnih in an tam zawk a, heti hian nimin tlai thleng khan Serchhip District-a hri kai hmuhchhuah tawh chu 13,400 niin an zinga 13,193 te chu enkawl dam an ni tawh a, hri kai hmuhchhuah tawh atanga chhutin za zela 98.45 te chu enkawl dam an ni tawh a, hri kai enkawllai mi 174 la awmin hri kai zingah mi 33 an boral tawh a ni.

Tun dinhmun ah Serchhip District-a khaw 21-ah COVID-19 hri kai enkawllai hi an la awm a, North Vanlaiphai chu hri kai enkawllai tamna ber la ni mekin hri kai enkawllai mi 35 an la awm a, Thenzawl-ah hri kai enkawllai mi 27 la awmin Serchhip-ah mi 22 enkawl mek an la ni bawk a, Vanchengte-ah hri kai mi 18, East Lungdar-ah mi 13, Hmuntha-ah hri kai 12 an la awm bakah Bawktlang-ah hri kai mi 11 enkawl an la ni bawk a, heng te hi khaw pakhat a hri kai enkawllai mi sawm aia tam awmna an la ni a, hri kai enkawllai mi pakhat awmna khaw 6 lai an la awm bawk a ni.