'Pi pu Chhuahtlang' din tum

Zonuna Kawlni (LENKAWL) • April 6, 2022 • Comments • Mizoram

Khawzawl District chhunga Chawngtlai khua chuan an khua ah 'Pi pu Chhuahtlang' din tumin hma an la mek.

Chawngtlai Welfare Committee, Aizawl leh Mizo Historical Village Society, Joint YMA leh Chawngtlai Branch YMA te chu tun thla ni 1 khan Deputy Chief Minister Tawnluia hovin a Pisa-ah an thukhawm a, he hunah hian Chawngtlai khua ah Zoram tana ro-hlu tling tur din tuma hmalak mek a ni tih tarlan a ni a, Lal huaisen Lal Nikuala lung chu ft. 32-a sang phun pahin, Mizo Lal ropui, Pasaltha leh Mizo lalte kaptu Sap sipai lalte Lung an phun dawn tih tarlangin, a hmun hming atan 'Pi pu Chhuah-tlang' tih chu phuah a ni.

He hmunah hian Mizo Lal leh Pasaltha te, Mizo hnam tana Zalenna sualtu (Freedom Fighters),Chawngtlai tlangval boralta te lung phun tur a nih bakah, Mizo nunhlui lanchhuah theihna thil hrang hrang siam a ni dawn a ni. He hmalakna hi heng pawl hrang hrangte hian Art & Culture Minister R. Lalzirliana leh Tourism Minister Robert Romawia Royte te an hmu tawh tih sawiin, anni pawh hian an tuipui hle niin an sawi bawk a ni.