LENKAWL ADS (Computer zir duh tan 6) :

Rural Development Minister Lalruatkima chuan Tuirial-a Limbu Tui sawngbawlna hmun, Tuirial Lemon Processing Unit chu nimin khan a hawng.

North Eastern Rural Livelihoods Programme (NERLP) hnuaiah kum 2014 bawr khan Tuirial-ah SHG te dinin kum 2018 khan Turial SHG te hi Lemon Processing Unit din tura atan thlan an ni a. Kum 2019 khan a Building te sa in khawl te pawh lei a ni a, amaherawh chu NERLM hi 2019-ah a tawp tak avangin he ruahmanna hi MzSRLM hnuaia sengluh a ni a, hawn theih mai a nih loh avangin a khawl te chhiain a building te pawh a then a chhe hman a. August 2021 khan MzSRLM chuan Lemon Processing Unit hi bawhzui thar lehin Turial a Self Help Group (SHG) te nen hmalak zui a ni a, nimin khan Tuirial Lemon Processing Unit hi hawn niin hemi rual hian he Unit in Limbu tui zawrhchhuah tura an siam 'Zobawm Nimbu Tui' tih chu tlangzarh nghal a ni bawk.