Minister in Zirtirtute chah

School Education Minister Lalchhandama Ralte chuan kum hnih vel zet sikul hawn tawh loh hnuah Vawiin, April 5, 2022-ah Sikul hawn tur a lo ni ta tih sawiin, naupangte chu lehkha zirtir mai lova lo titlangnel hmasaa hripui laka fimkhur dan turte pawh lo zirtir tur in zirtirtute a chah a. Devotion neih hunah leh hun remchangah te  “Aw nang kan Lal kan Pathian”  tih hla te chu sak tura ruahman a ni tih sawiin, Zirtirtu indaihlohna pawh hnawhkhah zel a nih thu a sawi bawk.