Mizopa hnenah Award hlan

India Vice President M. Venkaiah Naidu chuan Inrinni khan Prof. Laltluangliana Khiangte hnenah India ram Art & Culture chawimawina sang ber Sangeet Natak Akademi Award (Puraskar) chu Vigyan Bhawan, New Delhi-ah a hlan a, Prof. Laltluangliana Khiangte hi Indian Theatre-a kut a thawh nasat avanga he chawimawina hi hlan niin kum 2005-ah Bharat Adivasi Samman leh kum 2006-ah Padma Shri pek a lo ni tawh bawk a ni. Prof Laltluangliana Khiangte hian playright huang chhungah he Akademi Award hi lain, play 30 chuang ziak tawhin, chung zinga paruk (6) chu saptawng-a a ziah a ni. A play-te hi New Delhi, Kolkata, Guwahati, Bhopal leh hmundang a Stage-ah play an lo ni tawh a. A play zinga 16 pawh Hindi a lehlin an lo ni tawh a. A play pakhat 'Pasaltha Khuagchera' chu Book of Year 1997-ah puan a ni nghe nghe a ni.