Raltlan thla hualna nei

Zo Reunification Organization (ZORO) chuan Inrinni khan YHAI, Luangmual-ah Aizawl leh a chhehvel a awm Burma MP leh MLA te an ram buai avanga Mizoram a lo raltlan te thla hualna hun an hmang a, he hunah hian Chin State Chief Minister Salai Lian Luai chuan Mizoram mipui ten an harsatna hria a an lo dawnsawn dan ah thin-lung taka an lawm thu a sawi a. Burma-ah mipui thlan sawrkar a din ngei theih nan hma an la mek tih sawiin, “Burma hi democracy a nih theih nan hma kan la mek a, Federal Union kan din dawn avangin hnam tenau zawkte intluktlanna hi kan rilru ah a awm reng a, hei hi kan ngai pawimawh hle,” a ti bawk.