Kum 2 chhungin buhfai qtls. nuai 14.40 lalut Kum 4 chhungin ration chini qtls. 10,638 sem

Food Civil Supplies & Consumer Affairs (FCS&CA) in State pawn atanga Mizoram a buhfai lalut tura supplier pakhat a ruat, Zoram Industrial & Infrastructure Development Corporation Limited (ZIDCO) Ltd. chuan tunhnai kum hnih chhung a buhfai a supply zat chu qtls. 14,40,943.07 a tling. Hetihlai hian tunhnai kum 4 chhungin Mizoramah ration chini qtls. 10,638 sem a ni tawh.


FCS&CA in RTI zawhna a chhan danin, state pawn atanga Mizoram a buhfai lalut turin supplier pakhat ZIDCO a ruat a, kum 2019-20 ah buhfai qntls. 5,14,105.32 leh kum 2021-22 ah qtls. 4,12,732.75 a lalut a, supply na rate chu kg. ah Rs. 27.50 a ni.

Buhfai supply tur hian supply Manual 2009, Chapter 2, Section 2.4 in a phal angin State Purchase Advisory Board (SPAB) chuan Govt. Agency ZIDCO Ltd. a recommend angin thlan an ni a, buhfai supply tute chungchang leh Mizo hming hawh hnamdang an awm leh awm loh RTI zawhna erawh FCS&CA chuan a hriatpui lova, ZIDCO Ltd. ah zawh nise tia chhan a ni.

Hetihlai hian tunhnaia Assembly Session neih zawh takah ZIDCO kaltlanga buhfai supply tute chu Commerce & Industries changtu Minister Dr. R. Lalthangliana chuan member te zawhna ziakin a lo chhang tawh a, chuta Minister in a tarlan danin, Supplier mi 8 zinga mi 7 te chu Mizo niin, hnamdang pakhat Mr. Abub Ahmed Majumdar, M/S Agri Fresh Trading Co., Silchar a tel thung a ni.

RTI chhanna atanga a lan danin, kum 2018-19 atanga kum 2021-22 chhunga Mizo-ram-a ration chini sem tawh zat chu qtls. 10,638 a tling a, kum 2018-19 ah qtls. 1083 sem niin, kum 2019-20 ah qtls. 2,925, kum 2020-21 ah qtls. 3,260 leh 2021-22 ah qtls. 3,370 sem a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar